Berkat ari Apai ke bak Serga ngau restu Tuhan Jesus aku nulis petikan ari bup kudus. Sama meh kitai berati ke jako Tuhan Jesus kritus. amen.
Matthew 5
1 Leboh Jesus meda bala mayuh, iya niki ka bukit: udah iya duduk,sida murid iya datai ngagai iya:
2 Lalu iya belaboh ngajar sida, ko iya,
3 Beberkat samoa orang ti enda besai ati: laban sida ka bempu perintah serga.
4 Beberkat samoa orang ti tusah ati: laban sida ti ka dikenyamai ka.
5 Beberkat samoa orang ti lemi ati: laban sida ka bempu dunya
6 Beberkat samoa orang ti lapar ti aus, tetengok ka pengelurus: laban sida ka dikenyang ka.
7 Beberkat semoa orang ti kasih ka orang : laban sida ka bulih pengasih.
8 Beberkat samoa orang ti tuchi ati: laban sida ka meda Allah Taala.
9 Beberkat samoa orang ti ngaga pemaik(pemanah) ka orang:laban sida ka dikumbai anak Allah Taala.
10 Beberkat samoa orang ti kena keduan tegal pengelurus: laban sida ka bempu printah serga.
11 Beberkat kita leboh orang nganu kita, lalu beduan kita,lalu nempa ka samoa macam penyai pasal kita, tagal aku.
12 Andal lalu bendar kita : laban besai upah kita di serga : laban baka nya orang ti beduan sida nabi ti dulu ari kita.
Tiada ulasan:
Catat Ulasan